O‘zgidromet Qamchiq dovoni yo‘lida yaxvonlik va qor uyumlari yuzaga kelishi mumkinligi sababli ogohlantirish bilan chiqdi.
Sinoptiklar ma’lumotlariga ko‘ra, 17 noyabr kuni A-373 Toshkent—O‘sh avtomobil yo‘lining Qamchiq dovoni hududida qor yog‘adi.
Yog‘ingarchilik vaqti-vaqti bilan kuchadi. Tuman tushib, ko‘rinuvchanlik 50 metrgacha pasayishi, shamol tezligi 17–22 metr/sekunddan 25-27 metr/sekundgacha kuchayishi kutilmoqda. Yo‘llarda yaxvonlik va qor uyumlari yuzaga kelishi mumkin.
Avvalroq Yo‘l harakati xavfsizligi bosh boshqarmasi kuzatilayotgan ob-havo sharoitida haydovchilardan yo‘llarda ehtiyot bo‘lishni so‘ragandi.