Xalqimizga xos xislatlar haqida so‘z ketganda, muruvvat va mehr-oqibat, saxovatpeshalik alohida tilga olinadi. Bu bardavom ezgu amallar koronavirus pandemiyasiga qarshi hamkorlikda kurash hamda uning oldini olishda yanada ko‘proq namoyon bo‘lyapti.
Oliy va o‘rta maxsus ta’lim vazirligining xabar berishicha, Qarshi davlat universiteti Botanika va ekologiya kafedrasi mudiri, b.f.d. professor Lutfulla Yoziyev o‘z oylik ish haqi hisobidan universitetda tahsil olayotgan 15 nafar (chin yetim) talabaga stipendiya ta’sis qildi.
Endilikda universitetning 15 nafar ijtimoiy himoyaga muhtoj iqtidorli talabalar uch oy mobaynida professor hisobidan 100 000 so‘mdan stipendiya olishadi.