Qashqadaryo viloyati prokuraturasi tizimida qator tayinlovlar amalga oshirildi.
Ma’lum qilinishicha, O‘zbekiston Respublikasi Bosh prokurorining buyrug‘iga asosan adliya kichik maslahatchisi Mirzoyev Alisher Davlatovich Qarshi shahar prokurori lavozimiga tayinlandi.
A.Mirzoyev tayinlovga qadar Qarshi tumani prokurori lavozimida ishlagan.
Adliya maslahatchisi Murodov Tog‘murod Joniqulovich Qarshi tuman prokurori lavozimiga tayinlandi. T.Murodov tayinlovga qadar Kitob tumani prokurori lavozimida ishlagan.
O‘zbekiston Respublikasi Bosh prokurorining buyrug‘iga asosan adliya maslahatchisi Temirov Sobirjon Nurboyevich Kitob tuman prokurori lavozimiga tayinlandi. S.Temirov tayinlovga qadar Toshkent viloyati, O‘rtachirchiq tumani prokurori lavozimida ishlagan.