Qashqadaryo viloyatining Nishon tumanida 11-sinf o‘quvchisi uyidagi molxonadan osilgan holda topildi. Bu haqdagi xabarni viloyat prokuraturasi axborot xizmati tasdiqladi. Bu haqda "Daryo" yozmoqda.
Ma’lum qilinishicha, voqea kecha, 18 may kuni taxminan soat 07:30 da sodir bo‘lgan.
O‘z joniga qasd qilgan 18 yoshli qizning maktab o‘quvchisi ekanini tasdiqlagan Nishon tuman xalq ta’limi bo‘limi boshlig‘i Jahongir Xolmurodov marhumaning tumandagi 23-maktabda tahsil olib kelganini ma’lum qildi.
«Voqea ertalab soat 07:00—07:30 atrofida sodir bo‘lgan. Kutilmagan holat nafaqat bizni, maktab rahbariyatini ham taajjubga soldi», — deydi Jahongir Xolmurodov.
Mazkur holat bo‘yicha tuman prokuraturasi tomonidan jinoyat ishi ochilgan yoki ochilmagani noma’lum.