Qashqadaryoda Damas va Nexia to‘qnashuvi 3 kishining o‘limi bilan tugadi

Qashqadaryoda Damas va Nexia to‘qnashuvi 3 kishining o‘limi bilan tugadi

IIV YHXBB Axborot xizmatining xabar qilishicha, joriy yilning 17 oktyabr kuni soat 15:40 atrofida Qashqadaryo viloyati Qamashi tumani Yortepa qishlog‘i hududidan o‘tuvchi yo‘lda 44 yoshli O.E. Nexia’ni boshqarayotib, qarama-qarshi yo‘nalishga chiqib ketishi oqibatida, 1980 yilda tug‘ilgan Sh.T. boshqaruvida bo‘lgan Damas bilan to‘qnashgan.

Natijada, ikkala haydovchi va Damasd’a bo‘lgan yo‘lovchi D.E. og‘ir tan jarohatlari bilan voqea joyida vafot etgan. Shuningdek, ushbu avtomobilda bo‘lgan yana bir yo‘lovchi tan jarohat olib shifoxonaga yotqizilgan.

Holat yuzasidan JKning 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi "a" bandi bilan jinoyat ishi qo‘zg‘atilib, dastlabki tergov harakatlari olib borilmoqda.