Mamlakatimizda karantin e’lon qilingani bois profilaktika tadbirlari kuchaytirilmoqda.
Kasallik tarqalishi oldini olish, aholi salomatligini asrash, sanitariya osoyishtaligini ta’minlash maqsadida jamoat transportidan foydalanish cheklanmoqda.
Shuni e’tiborga olib, 2020 yil 23 martdan boshlab Qashqadaryo viloyati hududida ham mulkchilik shaklidan qat’iy nazar barcha tashuvchilar tomonidan yo‘nalishli marshrutlar (avtobuslar, mikroavtobuslar, Damas)da qatnovlar vaqtincha TO‘XTATILADI. Bu haqda Qashqadaryo viloyati transport boshqarmasi xabar berdi.
Yo‘nalishsiz taksi haydovchilaridan transport vositasini dezinfeksiya qilib faoliyatga chiqishlarini, yo‘l kira narxini asossiz oshirib yubormaslik so‘raladi.