Qashqadaryoda «Neksiya»ning gaz balloni portladi, 2 kishi halok bo‘ldi
22.05.2021 11:17,
232
Bugun, 22 may kuni soat 06:00da Qashqadaryo viloyati Chiroqchi tumani, “Navoiy” MFY hududidan o‘tuvchi 4P-84 “Yakkabog‘-Chiroqchi” avtomobil yo‘lining 29-kilometrida harakatlanib ketayotgan “Neksiya” avtomobilida o‘rnatilgan gaz balloni portlab ketgan.
Favqulodda vaziyatlar vazirligi xabariga ko‘ra, hodisa oqibatida avtomobil ichida bo‘lgan 2 nafar fuqaro voqea joyida vafot etgan hamda 1 nafar fuqaro tan jarohati olib, tuman shifoxonasiga yotqizilgan.
Ayni vaqtda, viloyat IIB, FVB, SSB va prokuratura xodimlari tomonidan holat yuzasidan dastlabki tergovoldi surishtiruv ishlari olib borilmoqda.