Chiroqchi tumani “Kishmishtepa” mahallasida qotillik sodir etildi. Bu haqda Qashqadaryo viloyati IIB Axborot xizmati xabar berdi.
Ma’lum bo‘lishicha, shu yilning 8 may kuni ona bola – T.N. va J.T. birga spirtli ichimlik iste’mol qilishadi. Gap orasida o‘zaro kelishmovchilik chiqib, ona-bola tortishib qoladi. Tortishuv janjalga aylanib, tungi soat 02.00larda o‘g‘il J.T. onasi T.N.ga pichoq uradi. Natijada ayol vafot etgan.
Mazkur holat yuzasidan Chiroq tuman prokuraturasi tomonidan O‘zbekiston Respublikasi Jinoyat kodeksining 97-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.