Qarshi tumanidagi tomorqa egalari tomonidan yetishtirilgan dastlabki partiyadagi 19 tonna oshqovoqlar “Nasaf” tashqi iqtisodiy faoliyat bojxona posti xodimlarining sayi harakati bilan qisqa muddatda Rossiya Federatsiyasiga eksportga jo‘natildi.  

- 5 gektar yerga chetdan keltirilgan oshqovoq urug‘ini ekkan edik, deydi tomorqa egalaridan biri M.Ikromov. - 300 tonna hosil olishni mo‘ljallayapmiz. Pishib tayyor bo‘lgan mahsulotlar peshma-pesh xalqimiz dasturxoniga va eksportga jo‘natilmoqda. Kelgusidagi maqsadimiz - ekin maydoni va mahsulot turini ko‘paytirish.  

Viloyat bojxona boshqarmasi mas’ul xodimlari tomonidan qishloq xo‘jaligi mahsulotlari yetishtirilgan hududlarda bo‘lib, fermer va tomorqa egalariga yurtimizda tadbirkorlik sohasiga keng imkoniyatlar yaratilganligi, shuningdek, mahsulotlarni eksportga rasmiylashtirishda bojxonada yaratilgan qulayliklar to‘g‘risida tushuntirishlar berilmoqda.