Qashqadaryo viloyati Chiroqchi tumanida yo‘lning o‘rtasiga yotib olgan mast erkakni «Nexia» bosib ketdi. Bu haqda Ichki ishlar vazirligi Yo‘l harakati xavfsizligi bosh boshqarmasi axborot xizmati xabar berdi.
Ma’lum qilinishicha, voqea 18 mart, payshanba kuni Bahoriston qishloq hududidan o‘tuvchi 4B-84 avtomobil yo‘lining 41-kilometrida sodir bo‘lgan. «Nexia» haydovchisi o‘zi bilan bir yo‘nalishda harakatlanib ketayotgan piyoda urib yuborib, avtohalokat sodir etgan. Oqibatda piyoda olgan jarohati tufayli voqea joyida halok bo‘lgan.
«Bir mast kishi asvalt yo‘lning o‘rtasida yotgan ekan. Tormozni bosdim bo‘lmadi, yotgan holati ustidan mashinam o‘tib ketdi», — deydi haydovchi.
Mazkur holat yuzasidan tergovga qadar surishtiruv harakatlari olib borilmoqda.