Sog‘liqni saqlash vazirligi qatorasiga uchinchi kun O‘zbekistonda koronavirus infeksiyasi bo‘yicha yil boshidan beri sutkalik antirekord yangilanganini ma’lum qildi.

20 iyul holatiga 698 nafar fuqaroda COVID-19 aniqlanib, infeksiya qayd etilganlar soni 121329 nafarni tashkil etmoqda.

Eng ko‘p yangi kasallanish holatlari Qoraqalpog‘iston (86), Jizzax (87), Namangan (32), Samarqand (65), Surxondaryo (84), Farg‘ona (58), Toshkent (79) viloyatlarida hamda Toshkent (110) shahrida ro‘yxatga olingan.

Bundan tashqari, kecha kun davomida 478 nafar kishida pnevmoniya aniqlandi. Kecha kun davomida 495 nafar bemor sog‘aydi. Ammo 4 nafar bemor vafot etdi.