Iyul oyida Toshkent viloyati Qibray tumanida bir oilaning to‘rt a’zosi (ota, ikki qizi va o‘g‘il) hamda uyda ishlagan quruvchini o‘ldirgan Sh. I.ga (1997 yilda Andijon viloyatida tug‘ilgan) nisbatan sud hukmi o‘qildi. Bu haqda Oliy sud matbuot kotibi Aziz Obidov xabar qildi.
Sh. I. Jinoyat kodeksining 25,97-moddasi 1-qismi, 97-moddasi 2-qismi “a”, “v”, “g”, “j”, “r” bandlari, 119-moddasi 2-qismi “g” bandi, 130-moddasi 2-qismi “a” bandi, 140-moddasi 2-qismi va 219-moddasi 1-qismida nazarda tutilgan jinoyatlarni sodir etganlikda aybli deb topildi.
I. Sh. ga Jinoyat kodeksining 59-moddasi (bir necha jinoyat sodir etganlik uchun jazo tayinlash) 4-qismi tartibida umrbod ozodlikdan mahrum qilish jazosi tayinlanib, jazoni maxsus tartibli koloniyalarda o‘tash belgilandi.