Farg‘ona viloyati IIB Axborot xizmatining ma’lum qilishicha, Farg‘onada qidiruvdagi ikki shaxs ushlangan.
8 mart kuni Oltiariq tumani IIB xodimlari Jinoyat kodeksining 166-moddasi 1-qismida (talonchilik) ko‘rsatilgan jinoyatni sodir etib, Oltiariq tumani IIB huzuridagi tergov bo‘limi tomonidan qidiruv e’lon qilingan M.N. ismli ayolni qo‘lga olishdi.
Shuningdek, Qo‘qon shahar IIB xodimlari Jinoyat kodeksining 168-moddasi 2-qismida (firibgarlik) ko‘rsatilgan jinoyatni sodir etib, qidiruv e’lon qilingan X.X.ni Qo‘qon shahri hududida qo‘lga olishdi.
Shuningdek, IIV quyidagicha murojaat qiladi:
"Hurmatli fuqarolar!
Qidiruvdagi shaxslar haqida biror ma’lumotga ega bo‘lsangiz, yaqin oradagi ichki ishlar bo‘limlariga xabar bering. Shaxsingiz sir saqlanishi ta’minlanadi".