Qirg‘izistondagi Toqtogul suv omborining suv sathi “o‘lik chegara” darajasigacha tushishi ehtimoli bor. Bu haqda Qirg‘iziston energetika va sanoat vaziri o‘rinbosari Taalaybek Ibrayev ma’lum qildi.
Uning so‘zlariga ko‘ra, ko‘rilayotgan chora-tadbirlarga qaramasdan ushbu suv omborining sathi kamayishi mumkin.
“Bu holat mintaqada kelgusi yil vegetatsiya davrini muvaffaqiyatli o‘tishga imkon bermaydi va, o‘z-o‘zida ma’lumki, Toqtogul suv omboriga tutash daryolar oqib o‘tadigan qo‘shni mamlakatlarga o‘zining salbiy ta’sirini ko‘rsatadi”, - dedi u Bishkekdagi energetikaga oid yig‘ilishdi.
Qirg‘istonlik amaldor vaziyatni o‘nglash uchun mamlakat elektr energetika tizimiga qo‘shni davlatlardan yordam olish zaruriyati mavjudligini qayd etdi.