Qirg‘iziston Sardobadagi falokatdan zarar ko‘rganlarga insonparvarlik yordami yubordi (foto)
11.05.2020 13:26,
596
Qirg‘iziston hukumati Sardoba suv ombori qisman o‘pirilishi natijasida zarar ko‘rgan aholiga insonparvarlik yordami yubordi. Bu haqda Sof.uzʼga Yangiyer shahar hokimligi matbuot xizmati ma’lum qildi.
Insonparvarlik yordami ortilgan poyezd Qirg‘iziston Respublikasining O‘zbekistondagi elchisi I.Junusov va Qirg‘iziston Favqulodda vaziyatlar bo‘yicha vazirligining vakili kuzatuvi ostida Yangiyer shahrining “Yangi-Yangiyer” temiryo‘l stansiyasiga yetib keldi.
Bu yerda delegatsiyani viloyat hokimi G‘.Mirzayev boshchiligidagi mas’ullar kutib oldilar. Mazkur insonparvarlik yordamida 1000 tonna sement, 100 tonna guruch va 10 tonna o‘simlik yog‘i o‘rin olgan.
