Qirg‘iziston sobiq prezidenti o‘g‘lining o‘limiga kokain va spirtli ichimlik sabab bo‘lgan
24.10.2020 06:35,
1728
Spirtli ichimliklar va kokain Qirg‘iziston birinchi prezidentining o‘g‘li Aydar Akayevning o‘limiga sabab bo‘ldi. Bu haqda RenTV ma’lum qildi, deb yozadi Tengrinews.kz.
Asqar Akayevning 43 yoshli o‘g‘li 6 fevralga o‘tar kechasi vafot etdi. Uning jasadi Moskva viloyatining Rublevo-Uspenskoye shossesidagi kottejli uylardan birida topilgan.
Tekshiruv davomida yurak faoliyati to‘xtab qolishiga alkogol va narkotikdan zaharlanish sabab bo‘lganligi aniqlandi.
Asqar Akayev - sovet va qirg‘iz davlat va jamoat arbobi, 1990-2005 yillarda Qirg‘izistonning prezidenti. Hozirda u Rossiya poytaxtida ilmiy faoliyat bilan shug‘ullanmoqda.