Qirg‘izistonda prezident va Jogorku Kenesh deputatligiga saylovlarni o‘tkazish muddati qoldiridi. Bu haqda Sputnik Qirg‘iziston nashri xabar bermoqda.
Qirg‘iziston prezidenti vazifasini bajaruvchi Sadir Japarov mamlakatda parlament saylovlarini 2021 yil bahoriga - saylov tizimini isloh qilish tugaydigan vaqtga qoldirish to‘g‘risidagi qonunni imzoladi.
"Bizning qonun loyihamiz Konstitutsiyaga zid emas. Ekspertiza o‘tkazildi, hammasi qonun hujjatlariga muvofiq. Sizdan qonun loyihasini qo‘llab-quvvatlashingizni so‘rayman, bu ijtimoiy-siyosiy vaziyatni barqarorlashtirishga yordam beradi", - dedi Japarov.
Prezident v.b. matbuot xizmati xabariga ko‘ra, hujjatni qabul qilish zarurati qator holatlar, shuningdek, mamlakatdagi ijtimoiy-siyosiy vaziyat tomonidan belgilanadi.
Jogorku Kenesh deputatlari saylovi sanalari Qirg‘iziston qonunchiligiga muvofiq konstitutsiyaviy islohotdan keyin, ammo 2021 yil 1 iyundan kechiktirmay belgilanadi.
Avvalroq Qirg‘izistonda prezident saylovlari 2021 yil 17 yanvarda, parlament saylovlari esa 20 dekabrda bo‘lib o‘tishi haqida xabar berilgan edi.