Telegramdagi «Xalq – LIVE» kanalining xabar berishicha, bugun Buxoro viloyatining ayrim hududlarida aholi gaz va elektr toki uzilishlari bois norozilik bildirgan. 

Norozi aholi hokim yoki mas’ullar bilan uchrashish umidida Qorako‘l tumanidan o‘tuvchi M37 Xalqaro trassani to‘sib qo‘ygan. Bu noroziliklarni Do‘stlik va Qorako‘z mahallasida yashovchi aholi vakillari boshlab bergan. 

Xabarlarga ko‘ra, IIB xodimlari gaz va elektrdan norozi bo‘lgan xalqni tarqatib yuborgan. Aytishlaricha, hokim ham, mas’ullar ham aholi bilan uchrashmagan. 

Bundan tashqari, Buxoro tumanining Shalg‘amxo‘ron hududida ham xuddi shunday holat bo‘lgan. Bu hududda hali ham aholi tarqalmagan.

Bu masala yuzasidan rasmiylar hozircha biror izoh bermadi.