2020 yil 13 iyun soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 4966 (+29) nafarni tashkil etmoqda.
 
Yangi kasallanish holatlarining 18 nafari Karantin markazidagi fuqarolar orasida, 4 nafari Qoraqalpog‘iston Respublikasida (shundan 3 nafari aholi orasida, 1 nafari xalqaro yuk tashuvchi avtomashina haydovchisi) 6 nafari Sirdaryo viloyatida xorijdan yurtimizga chegara post orqali kirib kelgan xalqaro yuk tashuvchi avtomashina haydovchilarida, qolgan 1 nafari Toshkent shahrida koronavirusga chalinganlar bilan muloqotda bo‘lgan fuqaroda aniqlangan. 
 
Ayni paytda yurtimizda 3874 nafar koronavirus infeksiyasiga chalingan fuqarolar (78 foizi) sog‘aydi. 
 
Hozirda mamlakatimizda davolanayotgan 1073 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda.  

Bugun mamlakatimizda 97 holatda kasallik qayd etilgan. Shundan 85 nafari Karantin muassasalarida, 5 nafari aholi orasida (shundan 3 nafari Qoraqalpog‘iston Respublikasida, 2 nafari Toshkent shahrida), qolgan 7 nafari esa xalqaro yuk tashuvchi avtomashina haydovchilari orasida aniqlangan. 

Avval xabar qilganimizdek, bugun 116 nafar fuqaro sog‘aydi. Shundan 85 nafari Toshkent shahridagi, 15 nafari Samarqand viloyatidagi, 14 nafari Navoiy viloyatidagi hamda 2 nafari Qoraqalpog‘iston Respublikasidagi tibbiyot muassasalarida shifo topishdi. 

Hozirda kasallik qayd etilgan jami 4966 nafar bemordan 3874 nafari sog‘ayib, davolanish ko‘rsatkichi 78 foizni tashkil etmoqda.

Ayni paytda tibbiyot muassasalarida davolanayotgan 1073 nafar bemordan 12 nafari og‘ir, 2 nafari esa o‘ta og‘ir ahvolda. 

Hozirda mamlakatimizda uy karantinida 26 960 nafar, statsionar karantinda esa 22 497 nafar fuqaro tibbiy kuzatuvda bo‘lib turibdi.