Bosh prokuratura huzuridagi Departament hamda DXXning Qoraqalpog‘iston Respublikasi boshqarmalari tomonidan prokuratura va IIV xodimlari bilan hamkorlikda o‘tkazilgan tezkor tadbirda, fuqaro P.Ye. o‘ziga Nukus shahri, «Allaniyaz Qahramon» MFY hududida issiqxona qurish uchun ajratilgan 9 sotix yer maydonini boshqa bir fuqaro T.ga firibgarlik yo‘li bilan 170 mln so‘mga sotishga kelishib, shundan 80 mln so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.