28 may - 1 iyun kunlari Qoraqalpog‘istonning Qo‘ng‘irot tumanida Qizil kitobga kiritilgan yo‘rg‘a tuvaloqlar yovvoyi tabiatga qo‘yib yuborildi. Tadbir Ekologiya va atrof-muhitni muhofaza qilish davlat qo‘mitasi hamda “Falcon Hunting Solutions” kompaniyasi tomonidan tashkillashtirildi, deya xabar qiladi qo‘mita matbuot xizmati.

Jami 2040 bosh qush BAAga qarashli “International fund for houbara conservation" markazida ko‘paytirilgan.

Eslatib o‘tamiz, yo‘rg‘a tuvaloqlar 2009 yilda O‘zbekiston Qizil kitobiga noyob tur sifatida kiritilgan. Ular Qizilqum cho‘llarida yashaydi. Ularning soni va yashash maydoni 1960-yillardan boshlab qisqarishni boshlagan.