Qozog‘iston televideniyesida birinchi virtual boshlovchi paydo bo‘ldi, deb xabar berdi Kazinform.
Antiqa yangilikni Atameken Business telekanali taqdim etdi. Robotning prototipi – taniqli aktyor Sanjar Madi. Bu haqda telekanal direktori Qanat Saxariya o‘zining Facebook sahifasida ma’lum qildi.
«Bizning Atameken Business telekanali Qozog‘istonda ilk marotaba i-Sanj virtual boshlovchi dasturini yaratdi. E’tiborlisi shundaki, dastur to‘liq Qozog‘istonda ishlab chiqarildi. Loyihani amalga oshirish uchun 1 yilga yaqin vaqt ketdi. Biz sun’iy intellektni televideniyega kiritish orqali kelajakka shaxdam qadamlar bilan boryapmiz», - dedi u.
i-Sanj har kuni 14:00da «Dnevnoy format» dasturidagi Bloomberg eksklyuziv sharhini olib boradi.