Qozog‘istonning Olmaota shahridan poytaxt Nur-Sultonga karab yo‘lga chiqqan samolyot halokatga uchradi. Bu haqda Tengrinews nashri xabar qilmoqda.
Bortida 95 nafar yo‘lovchisi bo‘lgan samolyot aeroport tashqarisiga qulab tushgan.
Olmaota aeroporti matbuot xizmatiga ko‘ra, havo layneri Bek Air shirkatiga tegishli bo‘lgan. Falokat joyida hozirda favqulotda xizmat ishlamoqda.
Dastlabki ma’lumotlarga ko‘ra, 14 kishi halok bo‘lgan, yana 35 kishi tan jarohati olgan, ulardan 6 nafari yosh bola, 22 kishi og‘ir ahvolda.
Falokatga uchragan samolyotning rusumi Fokker-100 bo‘lgan. Qozog‘iston sanoat va infratuzilmani rivojlantirish vazirligi bunday rusumli samolyotlar parvozigi vaqtinchalik taqiq qo‘ydi.
MAVZUGA DOIR: Qozog‘istondagi aviahalokatda o‘zbekistonliklar bormi?
Samolyot mahalliy vaqt bilan 7:22 da radarlarda ko‘rinmay qolgan.
Hozirda qidiruv-qutqaruv ishlari davom ettirilmoqda.
MAVZUGA DOIR: Qozog‘iston yo‘llarida yomon ob-havo tufayli 39 kishi vafot etdi