Qozog‘iston prezidenti kutilmaganda Darig‘a Nazarboyevaning vakolatini tugatdi
2.05.2020 16:45,
674
Qozog‘iston prezidenti Qasim-Jomart Toqayev Senat spikeri Darig‘a Nazarboyevaning vakolatlarini tugatish bo‘yicha qarorga imzo chekdi. Bu haqda Akorda saytida xabar berilgan.
«Darig‘a Nazarboyevaga Qozog‘iston Respublikasi Parlamenti Senatining raisi sifatidagi faol va sermahsul faoliyati uchun minnatdorchilik bildiraman», — deya yozgan Qosim-Jomart Toqayev o‘z Twitter akkauntida.
Eslatib o‘tamiz, Qozog‘iston birinchi prezidenti Nursulton Nazarboyevning qizi hisoblangan Darig‘a Nazarboyeva 2019 yil sentyabr oyida Senat raisi sifatida saylangan edi.