Qozog‘istonda favqulodda vaziyat rejimi muddati 11 maygacha uzaytirildi. Bu haqda QR Prezidenti Qasim-Jomart Toqayevning murojaatida ma’lum qilindi.
Prezidentning aytishicha, Qozog‘istonda 4 million 250 ming kishi davlatdan moliyaviy yordam oldi. 570 ming kishiga oziq-ovqat mahsulotlari tarqatildi.
1,6 million kishiga aprel-may oylariga kommunal to‘lovlar uchun yordam beriladi.
"Agar ommaviy yuqish kuzatilmasa, 11 may kuni favqulodda vaziyatni bekor qilamiz. Men uchun har bir fuqaroning salomatlishgi birinchi o‘rinda turadi. Bosh vazifamiz — Qozog‘iston uchun noxush ssenariyga yo‘l qo‘ymaslik", dedi Toqayev.
Shuningdek, u 42 500 tenge (100 dollar) yordam puli ikkinchi oy ham to‘lab berilishini ta’kidladi.