6 iyun kuni Qozog‘istonning yirik shaharlarida muxolifat tomonidan e’lon qilingan norozilik namoyishlari bo‘lib o‘tdi.
Namoyishlar mamlakatda mitinglar to‘g‘risida yangi qonun kuchga kirgan kuni bo‘lib o‘tdi.
Euronews xabariga ko‘ra, namoyishchilar kredit amnistiyasini, yerlarni chet elliklarga sotishni taqiqlashni talab qilib, Xitoyning mamlakatda iqtisodiy nufuzi kengayishiga qarshi chiqishdi.
Namoyishchilar, shuningdek, siyosiy faollarni hibsdan ozod etishga chaqirdilar.
Euronews telekanaliga ko‘ra, noroziliklar natijasida 100 dan ortiq kishi hibsga olingan. Olmaotada 70 ga yaqin namoyishchi hibsga olingan.