Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Qozog‘istondan 100 ming tonna bug‘doy import qilinadi
3.04.2022 16:56,  
148

O‘zbekiston aprel-iyul oylarida Qozog‘istondan 100 ming tonna 3-sinf bug‘doyini (bir qismi un) maqbul narxlarda import qilishni rejalashtirmoqda.

O‘zbekiston Qozog‘istondan 100 ming tonna bug‘doy va qisman un xarid qiladi. Bu Hukumatning 31 martdagi "Oziq-ovqat xavfsizligi va ichki bozorda narxlar barqarorligini ta’minlash bo‘yicha qo‘shimcha chora-tadbirlar to‘g‘risida"gi qarorida ko‘zda tutilgan.

Bu bilan dunyo bozorlarida yuzaga kelgan keskin tebranishlarning ichki bozorni oziq-ovqat mahsulotlari bilan ta’minlashga salbiy ta’sirini kamaytirish, ichki bozorni bug‘doy, un va o‘simlik yog‘i mahsulotlari bilan uzluksiz va kafolatli ta’minlash maqsad qilingan.

“2022 yil aprel-iyul oylarida Qozog‘istondan 100 ming tonna 3-sinf bug‘doyini (bir qismi un) maqbul narxlarda import qilish bo‘yicha taklifga rozilik berilsin”, - deyilgan hujjatda.

"O‘zdavzaxira" Qozog‘istonning "Prodovolstvennaya kontraktnaya korporatsiya" milliy kompaniyasi va bug‘doyni eksport qiluvchi boshqa korxonalaridan 100 ming tonna 3-sinf bug‘doyni (bir qismi un) yetkazib berish bo‘yicha import shartnoma imzolaydi.

Import qilingan bug‘doy (un) birja savdolari orqali sotiladi.

Yuklarni vagonlardan tushirib olish muddati bo‘yicha qo‘llaniladigan tariflar (prostoy) miqdori barcha turdagi bug‘doy importyorlariga dastlabki uch kun uchun 40 foizga pasaytiriladi.

Qishloq xo‘jaligi vazirligi va Iqtisodiy taraqqiyot va kambag‘allikni qisqartirish vazirligi ichki va tashqi bozorlardagi vaziyatdan kelib chiqib, mazkur qaror doirasida ajratiladigan mablag‘lar hisobidan yana 500 ming tonna bug‘doyni import qilish zarurati yuzasidan asoslantirilgan taklif kiritadi.

Tavsiya etamiz






Tavsiya etamiz

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан