Davlat kinematografiya fondining qarori dunyo ekranlarida muvaffaqiyatga erishgan Markaziy Osiyo kino ijodkorlariga nisbatan prinsipial bosimdir, deb hisoblashadi kuzatuvchilar.
Taniqli qozoq rejissyori Sergey Dvorsevoy suratga olgan film Rossiya hukumati tomonidan moliyalashtirilgan. Ushbu film bir qancha mukofotlarni qo‘lga kiritgan bir paytda filmni ishlab chiqarish uchun ajratilgan mablag‘ning bir qismini Rossiya Kino Fondi qaytarib berilishini talab qilganidan Dvorsevoy hayratda qolgan.
Film rejadan ancha kechroq chiqarilgani bo‘yicha agentlik da’vo arizasini berdi.
Rossiyada ishlab chiqarilgan filmlarni moliyaviy qo‘llab-quvvatlovchi Rossiya kino fondi Dvoretsevoydan "Ayka" filmi rejadan 4 yil keyin chiqarilganligi sababli, 100 ming yevro(110 ming dollar) to‘lashni talab qildi, deya xabar beradi AFP.
Filmning ijodiy guruhiga kino fondidan 28 million rubl (454,600 AQSh dollari) miqdorida mablag‘ kelib tushgan, bu esa film byudjetining atigi to‘rtdan bir qismini tashkil etadi.
Dvorsevoyning ta’kidlashicha, kechikish qish sahnalarini suratga olish uchun haqiqiy qor yog‘maganligi sabab bo‘lgan. AFP bilan suhbatda u, film hujjatli uslubda olinganligi va shuning uchun sun’iy qorlardan foydalanishga yo‘l qo‘yilmasligini, qo‘shimcha qildi.
"Men hayratda qoldim, bu mualliflik filmiku axir. Bizning daromadimiz bunday katta jarimani qoplay olmaydi", dedi Dvorsevoy.
Ushbu filmda asosiy rolni qozog‘istonlik aktrisa Samal Yeslyamova o‘ynagan. U 2018 yilda 71-Kann kinofestivalining "eng yaxshi ayol roli" uchun "Oltin palma novdasi" mukofotiga sazovor bo‘lgan .
Janubiy Qozog‘istonning Chimkent shahridan bo‘lgan rejissyor Sergey Dvorsevoy "Ayka"dan oldin Kann kinofestivalining tanlovida "Lola" filmi bilan "A special look"(O‘zgacha nazar) bosh mukofotiga loyiq deb topilgan. Shuningdek, butun dunyo bo‘ylab xalqaro kinofestivallarning to‘qqizta Gran-prisini qo‘lga kiritgan.