Ijtimoiy tarmoqlarda maxsus avtomatlashtirilgan radar moslamasi bilan jihozlangan xizmat avtomobilida YPX xodimi uxlab yotgani aks etgan video tarqaldi.
YHXB Matbuot xizmati ma’lum qilishicha, joriy yilning 19 mart kuni soat 12:30 larda A-373 M-39 “Guliston-Bo‘ka-Angren-Qo‘qon-Andijon orqali O‘sh” avtomobil yo‘lining Ohangaron tumani hududidan o‘tgan 126-127 kilometrlari oralig‘ida, transport vositalarining tezligini qayd qiluvchi, maxsus avtomatlashtirilgan radar moslamasi bilan jihozlangan "Nexia-3" rusumli xizmat avtomobilida YPX xodimi B.Alimov uxlab yotganligi noma’lum fuqaro tomonidan videotasvirga olingan.
Ta’kidlanishicha, hozirda ushbu holat yuzasidan Toshkent viloyati IIBB JXX YHXB mas’ul xodimlari tomonidan xizmat tekshiruvi o‘tkazilmoqda.