Bollivudning yuqori darajadagi yulduzlaridan iborat oilaning koronavirusga topshirgan testi musbat chiqdi. Bu haqda Maharashtra shtati rasmiylariga tayanib BBC xabar bermoqda.
12 iyul, yakshanba kuni dunyoning sobiq birinchi raqamli go‘zali Aishvariya Ray Bachchan va uning 8 yoshli qizi Aradhyada ham koronavirus aniqlandi.
11 iyul, shanba kuni esa aktrisaning turmush o‘rtog‘i, aktyor Abhishek hamda qaynotasi Amitabh Bachchanlar topshirgan koronavirusga topshirgan test natijasi ijobiy chiqqan edi.
46 yoshli Aishvariya Ray ham Bollivud ham Gollivudda hurmat qozongan kam sonli hind kino ijodkorlaridan biri.
Hozir Hindistonda kuniga o‘n minglab koronavirus infektsiyasi aniqlanmoqda. Mamlakat COVID-19 ga chalinganlar soni bo‘yicha AQSh va Braziliyadan keyin uchinchi o‘rinda turadi.