Kecha, 12 yanvar kuni Ispaniya Superkubogining final o‘yinida Madridning “Real” va “Atletiko” jamoalari to‘qnash keldi. O‘yin Saudiya Arabistonining «King Abdullah Sports City» stadionida bo‘lib o‘tdi.
Qiziqarli kechgan bahsning asosiy va qo‘shimcha daqiqalarda g‘olib aniqlanmadi. Penaltilar seriyasida esa “Real” 4:1 hisobida g‘alaba qozondi va o‘z tarixida 11-bor Ispaniya Superkubogini qo‘lga kiritdi.
“Real” o‘yinchisi Valverde 115-daqiqada ikkinchi sariq kartokcha olgani tufayli, o‘yindan chetlatildi.
Penaltilar seriyasida “Real”dan gollarni Karvaxal, Rodrigo, Modrich va Ramos urgan bo‘lsa, Atletikodan faqatgina Tripperga omad kulib boqdi.
Eslatib o‘tamiz, “Atletiko” yarim finalda “Barselona”ni 3:2 hisobida alamli tarzda mag‘lubiyatga uchratib, finalga yetib kelgan edi.
“Real Madrid” esa “Valensiya” ustidan 3:1 hisobida g‘alaba qozonib, birinchi finalchiga aylangan. O‘sha o‘yinning 15-daqiqasida “Real” jamoasi o‘yinchisi Toni Kroos burchak to‘pini super tarzda golga aylantira olgan edi.