AQShda respublikachilar partiyasi yig‘ilishida delegatlar Donald Trampning 2020 yil noyabrdagi saylovlarda AQSh prezidentligiga nomzodligini tasdiqladilar. Shimoliy Karolinaning Sharlotta shahrida bo‘lgan sezdda janob Trampning nomzodi bir ovozdan qo‘llab-quvvatlandi. Kongressning barcha 2550 vakili uni yoqlab ovoz berdi, dedi Respublika milliy qo‘mitasi rahbari Ronna Makdeniyel.
Delegatlar, shuningdek, Donald Tramp saylovlarda g‘olib chiqqan taqdirda Mayk Pensni AQSh vitse-prezidenti lavozimiga nomzod qilib ko‘rsatdilar.
"Men rasmiy ravishda Donald Trmp va Maykl Pensni AQShning prezidentligiga va vitse-prezidentligiga nomzod sifatida ko‘rsatmoqdaman", dedi Makdeniyel xonim.
Avvalroq AQSh Demokratik partiyasi bo‘lajak saylovlarda Jo Baydenni prezidentlikka nomzod sifatida, kaliforniyalik senator Kamala Xarris esa vitse-prezidenti sifatida tasdiqlagan edi.
AQShda prezidentlik saylovlari 3 noyabrga belgilangan. Turli xil norasmiy so‘rovnomalarda amaldagi prezident Donald Tramp janob Baydenga qaraganda ozroq qo‘llab-quvvatlanmoqda.