Rossiya 1 iyulgacha YeOIIdan tashqarida mamlakatlarga bug‘doy, javdar va boshqa ekinlarni eksport qilishni to‘xtatdi. Mart oyi oxirida Rossiya Federatsiyasi Vazirlar Mahkamasi narxlarni barqarorlashtirish maqsadida bir qator don mahsulotlariga kvotalar kiritgan edi. Shu bilan birga, mamlakat qishloq xo‘jaligi vazirligi hozirda hosilning prognozini tuzmoqda.
Ta’kidlanishicha, mart oyi oxirida Rossiya hukumati 7 million tonnagacha miqdordagi ekinlar uchun kvotani joriy etishga qaror qilgan. Ushbu chora don narxini barqarorlashtirish, shuningdek, Rossiyaning g‘alla va qayta ishlangan mahsulotlarga bo‘lgan ichki ehtiyojlarini qondirishga yordam berish uchun ishlab chiqilgan.
Qishloq xo‘jaligi vazirligining qo‘shimcha qilishicha, mahalliy g‘alla eksport qiluvchilar joriy mavsumda chet elga etkazib berish uchun to‘liq kvotani tanlab bo‘lishgan.