Rossiya gazining bir qancha xaridorlari to‘lovlarni rublda o‘tkazishga rozi bo‘lishdi, dedi juma kuni Rossiya bosh vaziri o‘rinbosari Aleksandr Novak. Bu haqda «Reuters» manbasi xabar bermoqda.
«Biz qarorni (rublga o‘tish) boshqa importchilardan kutamiz», — deya qo‘shimcha qildi u, vazirlikning ichki jurnalida chop etilgan izohlarida. Ammo u allaqachon rublda to‘lashga rozi bo‘lgan mijozlarning shaxsini oshkor qilmadi.
Prezident Vladimir Putin o‘tgan oy «do‘st bo‘lmagan» mamlakatlardan rus gazini sotib oluvchilar rublda to‘lashlari kerakligini aytdi, Yevropa Ittifoqi rasmiylari blokning Moskvaga qarshi sanksiyalar rejimi ostida bu harakatni rad etdi.
Oldinroq, Putin Yevropani agar to‘lovlar Rossiya valyutasida to‘lanmasa, gaz yetkazib berishni to‘xtatib qo‘yish xavfi borligidan ogohlantirgan edi, chunki u Moskvaning Ukrainadagi «maxsus harbiy operatsiyasi» deb atagan harakatidan keyin Moskvaga kiritilgan sanksiyalarga javob edi.
Mart oyida u energiya iste’molchilariga «Gazprombank»da hisob raqamlarini ochishni taklif qildi, u yerda yevro yoki dollardagi to‘lovlar rublga o‘tkaziladi.
Armaniston Rossiya tabiiy gazini yetkazib berish uchun bir necha to‘lovlarni rublda amalga oshirdi, dedi uning Iqtisodiyot vaziri Vagan Kerobyan juma kuni RBK nashriga bergan intervyusida.
Keyinroq, Vengriya tashqi ishlar vaziri Peter Sijarto dushanba kuni Vengriya Rossiya gazi uchun to‘lovni «Gazprombank» orqali yevroda amalga oshirishni rejalashtirayotganini aytgan edi.