So‘nggi 24 soat ichida Rossiyaning 83 mintaqasida 10,899 ta yangi koronavirus holati qayd etildi.

Hozirda mamlakatda kronavirus bilan kasallanganlarning umumiy soni 232 243 ga yetdi va bu bilan COVID-19 aniqlanish holati bo‘yicha Ispaniyadan o‘tib ikkinchi o‘ringa chiqib oldi.

Ushbu antirekord bo‘yicha birinchi o‘rinda hali ham AQSh turibdi - 1,3 milliondan ortiq zararlangan kishi.

Oxirgi 24 soat ichida 107 kishi vafot etdi, vafot etganlarning umumiy soni 2116 taga yetdi.

43 512 bemorda virus faol holda yashayapti.

Rospotrebnadzor ma’lumotlariga ko‘ra, 251 mingdan ortiq odam tibbiy nazorat ostida. So‘nggi 24 soat ichida koronavirus uchun 168,6 mingta test o‘tkazildi, jami 5,8 milliondan ortiq kishi koronavirusga test topshirgan. 

Eslatib o‘tamiz, kecha Rossiya prezidenti Vladimir Putin ishlamaydigan davr tugaganini e’lon qildi. Biroq, hokimlar o‘z mintaqalarida cheklovlarni to‘ldirish, yumshatish yoki saqlab qolish to‘g‘risida qaror qabul qilishlari mumkin.

Kasallanish darajasi bo‘yicha eng yuqorida bo‘lgan poytaxt Moskvada karantin choralari 31 mayga qadar o‘z kuchida qoladi. 65 yoshdan oshgan odamlar uchun cheklovlar saqlanib qoladi va ommaviy tadbirlarni taqiqlash amalda davom etadi.