Ishlash uchun Rossiyaga ketayotgan O‘zbekiston fuqarolari uchun 1 million doza "Sputnik V" vaksinasi yetkaziladi, deb ma’lum qildi Rossiyaning Toshkentdagi elchisi Vladimir Tyurdenev.
O‘zbekiston rasmiylari bu haqida ma’lumot berganicha yo‘q. Umuman olganda, so‘nggi oylarda O‘zbekiston "Sputnik V" vaksinasini go‘yoki sotib olayotgani haqida faqat Rossiya tomonidan bir necha martalab xabarlar tarqatildi.
Qirg‘iziston va Qozog‘iston fuqarolaridan farqli ravishda, RF O‘zbekiston fuqarolari uchun hamon chegaralarini ochmagan.