Qo‘shma Shtatlar Tayvanga qurol-yarog‘ yetkazib berishni ko‘paytirar ekan, «yondir va hukmronlik qil» tamoyilidan foydalanib, dunyoda beqarorlik o‘choqlarini yaratishda davom etmoqda. Bu haqda payshanba kuni Rossiya TIV rasmiy vakili Mariya Zaxarova o‘zining Telegram-kanalida yozgan.

«Qo‘shma Shtatlar beqarorlik o‘choqlarini yaratishda davom etmoqda. Bu nafaqat Ukrainani NATO qurollari bilan to‘ldirishga, balki, Xitoyga ham taalluqlidir». Machiavelli tomonidan ishlab chiqilgan bo‘lib tashla va hukmronlik qil tamoyilining yangi versiyasida ish olib bormoqda», deya yozgan Zaxarova.

Diplomatning eslatishicha, aprel oyi boshida AQSh Davlat departamenti Tayvanga qariyb 100 million dollarlik qurol-yarog‘ yetkazib berishni, jumladan Patriot havo mudofaa tizimlariga xizmat ko‘rsatish bo‘yicha shartnomani ma’qullagan. «Bu AQSh Prezidenti Jo Bayden hukmronlik davridagi qisqa vaqt ichida orolga yetkazib berilayotgan uchinchi qurollar jo‘natmasi bo‘ldi.Bunga parallel ravishda o‘tgan asr oxiridan beri birinchi marta spikerning Taypeyga tashrifi va boshqalar bularning barchasidan AQSh manfaatdor sanaladi», deya fikr bildirgan Zaxarova.

Zaxarova 6 aprel kuni Xitoy Tashqi ishlar vazirligi Tayvanni harbiylashtirishning navbatdagi bosqichi haqidagi qarorini Xitoyning ichki ishlariga aralashish deb ataganiga, 7 aprelda esa mamlakat Mudofaa vazirligi mustaqillikni himoya qilishga tayyorligini ta’kidlaganiga e’tibor qaratgan edi.

«AQSh tashqi siyosat mashinasi xalqaro munosabatlar tizimini yo‘q qilishga mo‘ljallangan. Vashington yadroviy kuchlarga qarshi bunday provokatsion xatti-harakatlar qanchalik xavfli ekanligini tushunmay bo‘lmaydi», - deya xulosa qildi Rossiya diplomatik departamenti vakili.