Rossiya hukumati Federal havo transporti agentligiga 27 martdan boshlab muntazam va charter reyslarini to‘xtatishni buyurdi. Rossiya fuqarolarini boshqa mamlakatlardan eolib chiqadigan parvozlar uchun istisno qilinadi. Bu haqda RIA Novosti xabar berdi.
Rossiya Federatsiyasi koronavirus pandemiyasi tufayli 23 martdan boshlab barcha mamlakatlar bilan havo qatnovini chekladi. Nizomda Moskvadan boshqa mamlakatlarning poytaxtlariga parvozlar va rossiyaliklarni chet eldan qaytarish bundan mustasno deyilgan.
Ta’kidlanishicha, 30 martga qadar Mudofaa vazirligi va fuqarolik aviakompaniyalari yordamida fuqarolarni chet eldan olib chiqish rejasi tuziladi.
Avvalroq, mahalliy aviakompaniyalar xalqaro reyslarning qisqarishi sababli, ekipaj a’zolarining 50 foizigacha majburiy ta’tilga chiqishi mumkinligi haqida xabar berilgan edi.