Koronavirus pandemiyasi sharoitida Rossiya Federatsiyasida qiyin vaziyatda qolgan mehnat migrantlariga yordam berish maqsadida yangi xayriya loyihasi ish boshladi.

Tashqi mehnat migratsiyasi agentligining Rossiya Federatsiyasidagi vakolatxonasi rossiyalik ishbilarmon va xayriyachilar David Yakobashvili va Yan Yanovskiylar bilan hamkorlikda #PomoshEST! xeshtegi ostida migrantlarga issiq oziq tarqatmoqda.

Tashqi mehnat migratsiyasi agentligi matbuot kotibi Ortiqxo‘ja Norovning xabar berishicha, loyiha ishtirokchilari MDH mamlakatlaridan ishsiz qolgan migrantlarning oilalari joylashgan bir nechta punktlarga har kuni tayyor ovqatlarni yetkazib bermoqda.

Biz kuniga 250 kishi uchun taom tarqatishdan boshlaymiz, keyin 500 kishi, ehtimol ming kishiga yetadi. Hamkasblarimiz buyurtma tayyorlaydi va biz logistika va moliyaviy masalalarni tashkil qilishga harakat qilamiz. Agar biz ko‘plab oilalarga yordam bera olsak, bu biz uchun baxt, – deydi David Yakobashvili.