Kecha 3 dekabr kuni, Rossiyaning Belgorod viloyatida gaz chaqnashi oqibatida porlash sodir bo‘ldi. Natijada 4 qavatli binoning devorlaridan biri butunlay qulab tushdi.

Mahalliy qutqaruvchilarning so‘zlariga ko‘ra, portlash natijasida jarohatlangan 2 kishi darhol kasalxonaga olib ketilgan, shundan so‘ng yana 4 kishi va 1 ayol shifoxonaga olib borilgan. Bemorlardan biri bosh qismidan og‘ir jarohat olgani aytilmoqda.

4 qavatli turar joy binosidagi portlashdan so‘ng devorlarning qulashi esa tasodifan video kameralarga tushib qolgan.

Jarohat olganlardan tashqari binoda qolgan 24 kishi ham evakuatsiya qilingan. Belgorod viloyati gubernatori voqea joyiga tashrif buyurib, vaziyatni ko‘zdan kechirgan va barcha jabrlanganlarga kerakli yordam berishga topshiriq bergan.