Rossiyada koronavirus bilan kasallanganlar soni kundan kunga pasayib bormoqda. O‘tgan sutka davomida 5811 ta yangi COVID-19 holati qayd etildi. Bir kun oldin esa o‘sish 5848 kishini tashkil etgan edi. Shunday qilib mamlakatda 800 849 ta koronavirus holati qayd etildi.

So‘nggi 24 soat ichida 154 kishi vafot etdi, umumiy o‘lim soni 13 mingdan oshdi. 

Bir kun ichida 8444 kishi davolandi, jami sog‘ayib ketganlar soni 588 774 ga yetdi.

Jons Xopkins universiteti hisob-kitoblariga ko‘ra, Rossiya koronavirus bilan kasallanish soni bo‘yicha to‘rtinchi o‘rinda turadi. Birinchi o‘rinda AQSh (deyarli 4,04 million), undan keyin Braziliya (2,3 millionga yaqin) va Hindiston (1,3 millionga yaqin).