Rossiyada O‘zbekiston fuqarosini beton plita bosib qoldi. Bu haqda «Nevskiye novosti» gazetasi xabar berdi.

Ma’lumotlarga ko‘ra, voqea joriy yilning 27 dekabr kuni soat 20:00 atrofida Lavrikiyga olib boruvchi shosseda sodir bo‘lgan. O‘zbekistonlik migrant og‘ir ahvolda reanimatsiyaga yotqizilgan.

Shifokorlar jabrlanuvchiga uzoq muddatli siqilish sindromi va turli jarohatlar tashxisini qo‘yishdi: bosh miya chayqalishi, yopiq kraniokerebral travma, qovurg‘a sinishi, pnevmotoraks, bosh va iyakdagi ko‘karishlar hamda yaralar.