13 noyabr kuni Moskva viloyatining Solnechnogorsk shaharchasi Pribrejnaya ko‘chasida joylashgan quruvchilarning vaqtincha turar joyida yong‘in yuz bergan va unda to‘rt hamyurtimiz vafot etgani xabar berilgandi.
Tashqi mehnat migratsiyasi agentligining Moskva shahridagi vakolatxonasi ushbu holat yuzasidan Favqulodda vaziyatlar vazirligi xodimlari bilan aloqa o‘rnatdi.
Yong‘in oqibatida ushbu vaqtincha turar joyda yashab kelgan mehnat migrantlari orasida 2 kishi jarohat olgan va 4 kishi vafot etgan.
Hozirgi vaqtda vafot etganlarning shaxsiga aniqlik kiritildi. Ma’lum bo‘lishicha, ularning barchasi O‘zbekiston fuqarolari (Sh.A. 1969 y.t., E.U. 1998 y.t., Sh.K. 1987 y.t., A.R. 1998 y.t.).
Ushbu holat nozoratga olingan va vafot etgan yurtdoshlarimiz jasadlarini Vatanga qaytarish choralari ko‘rilmoqda.