Samarqand xalqaro aeroporti Rossiya Federatsiyasining Qozon va Yekaterinburg shaharlaridan amalga oshirilgan charter parvozlarni qabul qildi. Bu haqda "Uzairports" AJ axborot xizmati xabar berdi.
Joriy yilning 3 avgustida 3 ta charter reys orqali 501 nafar yurtdoshimiz manzilga xavfsiz keltirildi. Barcha yo‘lovchilar Maxsus komissiya tomonidan belgilangan tartib-qoidalarga asosan Samarqand shahridagi karantin markazi (Kimyogarlar shaharchasi) hududiga olib ketildi.
Shuningdek, yo‘lovchilarga xizmat ko‘rsatishda pandemiya tarqalishining oldini olish bo‘yicha barcha choralar qo‘llanilishi aytildi.