Tojikistonning Moskvadagi elchisi Imomuddin Sattorov Rossiyadan muhojirlar patenti muddatini uzaytirish hamda soliq to‘lash borasida “moliyaviy ta’til” berishini so‘radi. Bu haqda mahalliy Asia-plus nashri xabar bermoqda.
Rossiya korxonalar, kompaniyalar, kichik va o‘rta biznes vakillari pandemiyadan eson-omon chiqishlari uchun mumkin bo‘lgan barcha yordamni bermoqda. Bizneslarning yopilishi Rossiya Federatsiyasida yashayotgan va mehnat qilayotgan migrantlar uchun jiddiy ta’sir qiladi.
"Migrantlarimiz bu korxonalarda shartnoma asosida ishlaydi. U yerda soliq to‘lashadi. Shuningdek, patent to‘lab ishlaydigan muhojirlarimiz ham bor", - deydi elchi.