Shuningdek, mamlakat iqtisodiyotida o‘sish 2024 yilgacha kuzatilmaydi, deydi iqtisodchi, Rossiya iqtisodiyot maktabi (RIM) rektori Ruben Yenikolopov.
"Fikrimcha YaIM pasayishi 10 foizdan ko‘p bo‘ladi", — deydi mutaxassis RIA Novostiga bergan intervyusida.
Uning ta’kidlashicha vaziyatning mavhumlik darajasi yuqoriligicha qoladi.
"2023 yilda o‘sish bo‘ladi, deb o‘ylayotgan odamlar, nazarimda optimistlar. Men esa o‘sish faqat 2024 yilga kelib kuzatiladi, degan bo‘lardim", — qo‘shimcha qildi Yenikolopov.
29 aprelda Rossiya Banki yangilangan o‘rta muddatli prognozini e’lon qilgan edi. Ushbu hujjatda ko‘rsatilishicha, 2022 yilda Rossiyaning YaIM pasayishi 8-10 foizni tashkil etadi. Pasayish kelasi yilda ham davom etadi va 3 foizni tashkil etishi mumkin.
O‘tgan chorshanba kuni Rossiya hisob palatasi rahbari Aleksey Kudrin ham 2022 yilda Rossiya YaIMining pasayishi 8,8 foizni tashkil etishini ma’lum qilgan edi.
Rossiya iqtisodiyotining 2022 yil boshidagi darajaga qaytishi haqida gapiriladigan bo‘lsa, RIM rektorining fikricha, buni yaqin 3-5 yilda amalga oshirib bo‘lmaydi. "Bunga turli sharoitlardan kelib chiqib, 6-7 yoki 10 yil kerak bo‘ladi", — deya ta’kidladi u.