U bir kun oldin bu vakolat prezidentga berilishi haqidagi qonunni imzolagan edi 

Qirg‘iz Respublikasi prezidenti Sadir Japarov Vazirlar Mahkamasining iste’fosi to‘g‘risidagi farmonga imzo chekkan. Bu 24.kg xabar bermoqda.

Farmonga ko‘ra, Vazirlar Mahkamasining yangi tarkibi shakllanguncha oldingi tarkib vazifasini bajarishda davom etadi.

"AKIpress"ning yozishicha, Japarov allaqachon hukumatning yangi a’zolarini parlamentga taklif qilgan. Unga ko‘ra, davlat rahbari Bosh vazir lavozimiga Akilbek Japarov nomzodini ilgari surgan. Akilbek Japarov shu paytgacha Bosh vazir o‘rinbosari — Iqtisodiyot va moliya vaziri lavozimida ishlagan.