O‘zbekiston hukumati Samara yaqinida Amir Temur haykalini o‘rnatish bo‘yicha ko‘rik-tanlov e’lon qilishni rejalashtirmoqda.

 “Harbiy tarixni o‘rganish borasidagi ishlar samaradorligini oshirish chora-tadbirlari to‘g‘risida” hukumat qarori qabul qilindi.

 “Rossiyaning Samara viloyatidagi Kodurcha vohasida mahalliy o‘lkashunoslar tomonidan buyuk harbiy sarkarda Amir Temurga bag‘ishlab o‘rnatilgan yodgorlik toshi o‘rnida Amir Temur va uning harbiy sarkardalari ifodalangan kompozitsion haykal o‘rnatish bo‘yicha ko‘rik-tanlov e’lon qilish hamda tanlov natijalariga ko‘ra g‘olib bo‘lgan haykal majmuasini o‘rnatish yuzasidan Rossiya Tashqi ishlar vazirligi va Madaniyat vazirligi bilan memorandum tuzish ishlarini olib borish, O‘zbekiston Respublikasi jangovar ordeni sohiblari tug‘ilib o‘sgan yoki istiqomat qilayotgan joylarda mahalliy ko‘ngillilar tomonidan esdalik lavhalari, yodgorlik toshlarini o‘rnatish”, - degan band yo‘l xaritasida belgilangan.

Loyihani 2023 yilgacha amalga oshirish rejalashtirilgan.

Amir Temur va To‘xtamish o‘rtasida jang 1391 yilda bo‘lgan. Unda 100 kvadrat metrdan ortiq maydonda 400 ming kishi qatnashgan.

Jang joyi hozirgacha arxeologik jihatdan topilmagan. Faqatgina jang Samara viloyatidagi Kondurcha daryosi bo‘yida bo‘lgan.

Qonli jangda Temur qiyin g‘alabaga erishdi. Ko‘pgina rus va o‘zbek tarixchilarining fikriga ko‘ra, Temur tomonidan berilgan zarbalardan so‘ng Oltin O‘rda tamomila o‘z birligini yo‘qotdi. Oqibatda Moskva mo‘g‘ul imperiyasi istilosidan xalos bo‘ldi va yosh Rossiya davlatining rivojlanishiga yo‘l ochildi.