Samarqandda 18 yoshli yigit totalizator sabab o‘zini osib qo‘ydi
8.07.2021 11:21,
2755
Bosh prokuratura matbuot kotibining xabar berishicha, 2021 yil 15 may kuni Samarqand viloyati Pastdarg‘om tumani “Yangiobod” mahallasida yashab kelgan 18 yoshli o‘spirin o‘z uyning yordamchi xo‘jalik xonasida o‘zini osib, joniga qasd qildi.
Aniqlanishicha, u internetda avj olgan totalizatorda (qimor o‘yni dastgohi) katta miqdorda pul yutqazib, boshqalardan qarz bo‘lib qolganligi sababli bu ishni qilgan.
Biroq, marhumning yaqinlari bu haqda huquqni muhofaza qiluvchi organlarga xabar qilmasdan dafn qilishgan.
Mazkur holat yuzasidan 2021 yil 7 iyul kuni Pastdarg‘om tumani prokuraturasi tomonidan tergovga qadar tekshirish harakatlari boshlandi.