Samarqand viloyati hokimligi binosi oldida ayol o‘zini yoqib yubormoqchi bo‘ldi. Bu haqda EVERYDAY.UZ xabar qildi.

Ma’lum bo‘lishicha, fuqaro qurilishi bitmagan uyi buzilishga tushgani uchun shunday qilmoqchi bo‘lgan. Ta’kidlanishicha, ushbu holat Samarqand tuman prokuraturasi binosida muhokama qilingan. Muhokamada viloyat prokurori o‘rinbosari va boshqa mutasaddilar ishtirok etgan.

Uning yakuniga ko‘ra, ayolning qonunga zid ravishda qurilgan uyi buziladigan bo‘ldi va fuqaroga subsidiya asosida uy-joy berish to‘g‘risida xulosa qilingan.